Birləşmiş Ştatların sutkalıq neft istehsalı rekord səviyyədədir
Bakı, 17 yanvar, AZƏRTAC
ABŞ-ın gündəlik xam neft hasilatı artıb.
AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir.
Bildirilir ki, ötən hesabat həftəsində ABŞ-ın neft hasilatı əvvəlki həftə ilə müqayisədə orta hesabla 200 min barrel artaraq sutkada 11,9 milyon barrel təşkil edib. Bu, ölkə tarixində neft istehsalının ən yüksək səviyyəsidir. ABŞ-ın neft hasilatı sonuncu dəfə 1970-ci ilin noyabrında maksimum - gündəlik orta hesabla 10,04 milyon barrel təşkil edib.
Birləşmiş Ştatların gündəlik neft hasilatında son 53 həftənin 42-də artım qeydə alınıb.
EIA-nın proqnozuna görə, ABŞ-ın neft istehsalı gələn il sutkalıq orta hesabla 12,1 milyon barrel təşkil edəcək.
Bölmənin digər xəbərləri
