Cari ildə Azərbaycanda 478 min tonadək dizel yanacağı istehsal olunub
Bakı, 19 aprel, AZƏRTAC
Yanvar-mart aylarında Azərbaycanda 477,8 min ton dizel yanacağı, 307,6 min ton avtomobil benzini, 57,6 min ton neft-kimya sənayesində istifadə üçün benzin, 140,5 min ton ağ neft, 19,7 min ton yanacaq mazutu, 5,2 min ton sürtkü yağları, 58,8 min ton neft bitumu və 63,6 min ton neft koksu istehsal edilib.
Dövlət Statistika Komitəsindən AZƏRTAC-a verilən məlumata görə, neft məhsullarının istehsalı sahəsində istehsalın ümumi dəyəri 712,8 milyon manat olmaqla əvvəlki ilin yanvar-mart ayları ilə müqayisədə 0,6 faiz azalıb.
Neft məhsullarından ağ neftin istehsalı 5,5 faiz, yanacaq mazutunun istehsalı 89,9 faiz azalıb. Avtomobil benzini, dizel yanacağı, sürtkü yağları, neft bitumu və neft koksunun istehsalı isə artıb.
Bölmənin digər xəbərləri
