CARİ İLİN BİRİNCİ RÜBÜNDƏ AZƏRBAYCANDA 89 HİV-Ə YOLUXMA FAKTI AŞKARLANMIŞDIR
Respublika QİÇS-lə Mübarizə Mərkəzinin 2008-ci ilin birinci rübünün yekunlarını əks etdirən hesabata görə, Azərbaycanda 3 ay ərzində 89 yeni HİV-ə yoluxma faktı aşkarlanmışdır.
Səhiyyə Nazirliyinin mətbuat xidmətindən AZƏRTAC-a bildirilmişdir ki, mərkəzdə qeydiyyata alınmış vətəndaşların əksəriyyəti kişidir. HİV daşıyıcılarından 16 nəfərinin respublikadan kənarda yoluxduğu müəyyənləşdirilmişdir.
Bu dövr ərzində HİV-ə yoluxan Azərbaycan vətəndaşlarının 54,5 faizi 30-39 yaşındadır.
QİÇS-lə Mübarizə Mərkəzinin apardığı yoxlamalar nəticəsində ölkəmizdə ilk dəfə HİV infeksiyasının aşkar edildiyi 1987-ci ildən 2008-ci ilin birinci rübünədək respublikada 1468 nəfər şəxsdə bu xəstəliyə yoluxma faktı qeydə alınmışdır. Onlardan 61-i əcnəbidir.
2008-ci ilin birinci rübü ərzində 12 nəfər AİDS-dən dünyasını dəyişmişdir.
Bölmənin digər xəbərləri
