ELM VƏ TƏHSİL
DOKTORANTLARIN TOPLANTISI KEÇİRİLMİŞDİR
Bakı, 12 fevral (AZƏRTAC). Fevralın 12-də Azərbaycan Dillər Universitetində (ADU) doktorantların növbəti toplantısı keçirilmişdir.
Universitetdən bildirmişlər ki, ADU-nun elmi işlər üzrə prorektoru Dünyamin Yunusov Azərbaycan Respublikasının Prezidenti İlham Əliyevin 2010-cu il fevralın 9-da imzaladığı “Azərbaycan Milli Elmlər Akademiyasının gənc alimlərinin Avropanın elmi mərkəzlərində doktorantura təhsilinin maliyyələşdirilməsi haqqında” Sərəncamın əhəmiyyətini vurğulamışdir. Bildirmişdir ki, bu sənəd elmin inkişafına mühüm töhfə verəcəkdir.
Tədbirdə doktorantların qarşılaşdığı problem və çətinliklərin həlli üçün elmi tədris hissəsi ilə sıx əməkdaşlıq etməyin vacibliyi vurğulanmışdır.
Sonra doktorantların gördükləri işlər haqqında hesabatları və rastlaşdıqları problemlərin həlli ilə bağlı təkliflər dinlənilmişdir.