Dörd rayon və bir şəhərdə sakinlərin qaz təchizatı ilə bağlı problemləri dinləniləcək
Bakı, 13 avqust, AZƏRTAC
“Azəriqaz” İB-nin “Açıq mikrofon” aksiyaları davam edir.
İB-dən AZƏRTAC-a bildirilib ki, növbəti həftə (avqustun 15-19 tarixləri) saat 12:00-da daha 1 şəhər və 4 rayonda İB-nin “Açıq mikrofon” aksiyaları keçiriləcək.
Aksiya həftənin 1-ci günü Sumqayıt şəhərində (Şəmsi Bədəlbəyli 8, “Kimyaçı” Mədəniyyət Sarayı), 2-ci günü Biləsuvar rayonunda (Heydər Əliyev prospekti, Mərkəzi Park), 3-cü günü Cəlilabad rayonunda (Heydər Əliyev prospekti, Heydər Əliyev adına Yaradıcılıq Mərkəzi), 4-cü günü Yardımlı rayonunda (Heydər Əliyev prospekti 165, Heydər Əliyev Mərkəzi), 5-ci günü Lənkəran rayonunda (Həzi Aslanov Parkı) baş tutacaq.
Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.
Bölmənin digər xəbərləri
