DÖVLƏT İDARƏÇİLİK AKADEMİYASINDA YENİ DƏRS İLİNİN BAŞLANMASI İLƏ BAĞLI TƏDBİR KEÇİRİLMİŞDİR
Azərbaycan Respublikasının Prezidenti yanında Dövlət İdarəçilik Akademiyasında (DİA) Bilik günü və yeni dərs ilinin başlanması münasibətilə tədbir keçirilmişdir.
DİA-nın rektoru, əməkdar elm xadimi, professor Seyfəddin Qəndilov çıxış edərək, Azərbaycan Prezidenti İlham Əliyevin təhsilimizin inkişafına daim böyük diqqət və qayğı göstərdiyini vurğulamışdır.
Rektor DİA-da yüksək ixtisaslı mütəxəssislər hazırlanması üçün həyata keçirilən tədbirlərdən, qazanılan uğurlardan danışmış, bu il qəbul imtahanlarında yüksək bal toplayaraq akademiyaya qəbul olunmuş gəncləri təbrik etmiş, onlara təhsildə yeni müvəffəqiyyətlər arzulamışdır.
Akademiyanın kafedra müdiri, dosent Sadıq Səlimov, tələbələr də öz çıxışlarında cəmiyyətin inkişafında təhsilin önəmli rolundan bəhs edərək, 2007-2008-ci tədris ilinin başlanması münasibətilə xoş arzularını bildirmişlər.
Bölmənin digər xəbərləri
