DÖVLƏT NEFT FONDUNDA ŞƏFFAFLIQ TƏŞƏBBÜSÜ TƏRƏFLƏRİNİN BİRGƏ İCLASI KEÇİRİLMİŞDİR
AZƏRTAC xəbər verir ki, iyunun 17-də Azərbaycan Respublikası Dövlət Neft Fondunda Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsünün (MHŞT) tərəflərinin - MHŞT üzrə Komissiyanın, qeyri-hökumət təşkilatlarının Mədən Sənayesində Şəffaflığın Artırılması (MSŞA) Koalisiyasının, ölkədə mədən sənayesi ilə məşğul olan yerli və xarici şirkətlərin nümayəndələrinin iştirakı ilə birgə iclas keçirilmişdir.
İclasda qiymətləndirmə prosesinə hazırlıq, seçim qrupu tərəfindən Beynəlxalq İdarə Heyətinin təyin etdiyi 7 şirkət arasından qiymətləndirmə prosesini həyata keçirəcək şirkətin seçilməsi məsələləri, o cümlədən MSŞA Koalisiyası tərəfindən Şəffaflıq Təşəbbüsü üzrə qarşılıqlı anlaşma memorandumuna dəyişikliklərin edilməsinə dair təkliflər müzakirə olunmuşdur.
Qiymətləndirmə prosesinə dair işçi qrupun yaradılması barədə qərar qəbul edilmişdir.
Bölmənin digər xəbərləri
