DÜNYA BANKI AZƏRBAYCANDA SOSİAL MÜDAFİƏ SİSTEMİNİN İNKİŞAFINA KREDİT AYIRMIŞDIR
AZƏRTAC xəbər verir ki, Dünya Bankının Direktorlar Şurası Azərbaycanda sosial müdafiə sisteminin inkişafı layihəsi üçün kredit ayrılmasını təsdiqləmişdir.
Beşillik müddətə nəzərdə tutulan layihənin icrasına cari ilin payızından başlanacaqdır. Layihənin ümumi dəyəri 54,6 milyon ABŞ dolları məbləğindədir. Dünya Bankı bu vəsaitin 26,7 milyon dollarını ayıracaqdır. Vəsaitin qalan hissəsini Azərbaycan hökuməti əlavə edəcəkdir.
Sosial müdafiə sisteminin inkişafına təkan verəcək layihə müasir sığorta sisteminin inkişafı istiqamətlərini özündə əks etdirəcəkdir.
Dövlət Sosial Müdafiə Fondunun sədri Səlim Müslümov bildirmişdir ki, həmin istiqamətlərdən biri demoqrafik proseslərin sığorta sisteminə təsiri ilə bağlıdır. Layihədə əks olunan digər problemlər də əldə edilən maliyyə vəsaiti hesabına həllini tapacaqdır.
Bölmənin digər xəbərləri
