ƏLİ BAYRAMLI ŞƏHƏR MƏŞĞULLUQ MƏRKƏZİ ÜÇ AYDA 232 İŞAXTARANA GÖNDƏRİŞ VERMİŞDİR
AZƏRTAC xəbər verir ki, 2008-ci ilin üç ayında Əli Bayramlı Şəhər Məşğulluq Mərkəzinə müraciət edən 520 nəfər işaxtaranın 232-nə göndəriş verilmişdir.
Onlar təhsil şöbəsi, mərkəzi xəstəxana, telemexanika istehsalat birliyi, yaşıllaşdırma təsərrüfatı, mərkəzi poçtamt, 34 nömrəli yol idarəsi, “Sənaye Kombinatı-2” Açıq Səhmdar Cəmiyyəti, Diaqnostika Mərkəzi, “Kərpic” Məhdud Məsuliyyətli Cəmiyyəti və bir sıra digər idarə və müəssisələrdə müvafiq işlə təmin olunmuşlar. Məşğulluq mərkəzinin imkanlarından yararlananların 152-si qadınlardır.
