Fənn olimpiadalarının birinci turu başa çatıb
Naxçıvan, 5 fevral, AZƏRTAC
Naxçıvanda IX-XI sinif şagirdləri arasında məktəblilərin respublika fənn olimpiadasının 1-ci şəhər və rayon mərhələsi başa çatıb.
AZƏRTAC-ın Naxçıvan bürosu xəbər verir ki, 688 şagirdin iştirak etdiyi yarışda şagirdlər 8 fənn üzrə bilik və bacarıqlarını nümayiş etdiriblər. Şagirdlərə hər fənn üzrə fənn kurikulumuna uyğun olaraq qapalı test formasında hazırlanmış 25-50 sual təqdim olunub. Həmin test tapşırıqlarını cavablandırmaq üçün onlara üç saat vaxt verilib.
Şəhər və rayon mərhələsinin nəticələrinə əsasən fənnlər üzrə hər sinifdən ən yüksək nəticə toplayan şagirdlər yarımfinal turuna vəsiqə qazanacaqlar.
Bölmənin digər xəbərləri
