Fövqəladə hallar naziri Qubada vətəndaşları qəbul edəcək
Bakı, 9 aprel, AZƏRTAC
Azərbaycan Respublikasının fövqəladə hallar naziri Kəmaləddin Heydərov tərəfindən aprelin 12-də saat 11.00-dan Quba şəhərindəki Heydər Əliyev Mərkəzinin binasında vətəndaşların qəbulu keçiriləcək.
Fövqəladə Hallar Nazirliyindən AZƏRTAC-a bildiriblər ki, qəbulda yalnız Quba, Qusar, Xaçmaz, Şabran, Siyəzən rayonlarının sakinləri və həmin rayonlarda məskunlaşmış məcburi köçkünlər iştirak edə bilərlər.
Qəbulda yalnız Fövqəladə Hallar Nazirliyinin səlahiyyətlərinə aid müraciətlərə baxılacaq.
Vətəndaşların qeydiyyatı aprelin 11-də saat 09.00-dan Heydər Əliyev Mərkəzinin binasında başlayacaq. Qəbula gələn vətəndaşlar şəxsiyyəti təsdiqləyən sənəd təqdim etməlidirlər.
Əlaqə telefonu: +994 (12) 512-01-14, e-mail: [email protected] .
Bölmənin digər xəbərləri
