Füzuli Dram Teatrında “Ələddinin sehrli çırağı” tamaşasına ictimai baxış olub
Füzuli, 20 aprel, AZƏRTAC
Füzuli Dövlət Dram Teatrında 2018-ci ilin repertuarında olan, ərəb xalq nağıllarının motivləri əsasında hazırlanan Nicat Kazımovun “Ələddinin sehrli çırağı” əsərinə ictimai baxış olub.
AZƏRTAC-ın bölgə müxbiri xəbər verir ki, tamaşanın quruluşçu rejissoru Sehran Xanlarov, quruluşçu rəssamı Ellinaz Balaşova, musiqi tərtibatçısı Nizami Süleymanovdur. Tamaşada əsas rollarda Orxan Əlibəyov, İntizar Quliyeva, Habil Hacıyev, Qaçaq Qarayev, Aygün Cəfərova və başqaları çıxış ediblər.
Tamaşa kasıb Ələddinin başına gələn hadisələrdən bəhs edir. Əmisinin hiyləsinə uyaraq köməksiz anasını atıb arzularının ardınca gedən Ələddin çox çətin sınaqlardan çıxır. Qarşısına çıxan Cin onun başına gələn əhvalatlarda mühüm rol oynayır. Lakin insan ağlı hər bir qüvvədən güclüdür. Bu tamaşada da xeyirxah insanlar qalib gəlirlər.
Tamaşa yaxın günlərdə rayonun işğaldan azad olunmuş kənd və qəsəbələrində teatrsevərlərə təqdim olunacaq.
Bölmənin digər xəbərləri
