Gənc Tamaşaçılar Teatrının baş rejissoru beynəlxalq tədbirdə ölkəmizi təmsil edəcək
Bakı, 19 may, AZƏRTAC
Gənc Tamaşaçılar Teatrının baş rejissoru, Azərbaycan və Kalmıkiya respublikalarının Əməkdar İncəsənət Xadimi Bəhram Osmanov növbəti dəfə Beynəlxalq Rejissor Laboratoriyasında iştirak edəcək.
Teatrın mətbuat xidmətindən AZƏRTAC-a məlumat verilib ki, beynəlxalq laboratoriya Rusiya Teatr Xadimləri İttifaqının milli teatrlar kabinetinin Rusiya Teatr Rejissorları Gildiyasının birgə təşkilatçılığı ilə mayın 23-dək Sankt-Peterburq şəhərində keçiriləcək. Laboratoriya günləri çərçivəsində, həmçinin teatr rejissorlarının konfransı da təşkil olunacaq. Bu il təşkil edilən rejissor laboratoriyasına Orenburq vilayəti Dövlət Dram Teatrının bədii rəhbəri , Rusiyanın Dövlət mükafatı laureatı Rifkat İsrafilov rəhbərlik edəcək.
Bölmənin digər xəbərləri
