Gəncədə bir sıra idman obyektlərinin tikintisi və təmir-bərpası nəzərdə tutulub
Gəncə, 17 yanvar, Rauf Hacıyev, AZƏRTAC
2019-cu ildə Avropanın İdman Şəhəri olan Gəncədə bir sıra idman obyektlərinin tikintisi və təmir-bərpası nəzərdə tutulur.
AZƏRTAC-ın bölgə müxbiri xəbər verir ki, təməli atılmış idman sarayının tikintisi cari ildə davam etdiriləcək. Həmçinin yeni futbol meydançalarının salınması, parklarda asudə vaxtın səmərəli təşkili və idmanla məşğul olmaq üçün qurğuların quraşdırılması, mövcud olimpiya idman kompleksinin, şəhər stadionunun və Gəncə Təhsil İdman Mərkəzinin rekonstruksiyası planlaşdırılır.
İnfrastruktur layihələr idmanın inkişafı və Gəncənin 2019-cu ildə Avropanın İdman Şəhəri titulunun təbliği istiqamətində aparılan işlərə dəstək verəcək.
Bölmənin digər xəbərləri
