GUAM ƏRAZİLƏRİNDƏ MÜNAQİŞƏLƏR YARADAN SEPARATÇI REJİMLƏR İNSAN HÜQUQLARINI POZUR
AZƏRTAC xəbər verir ki, “GUAM dövlətlərinin ərazilərində münaqişələrin həllinin prinsipial əsasları” mövzusunda Bakıda keçirilən beynəlxalq konfrans aprelin 16-da işini davam etdirmişdir.
Azərbaycanın GUAM-a sədrliyi çərçivəsində təşkil olunan konfransın ikinci günü münaqişələr zamanı qeyri-qanuni güc tətbiq etmənin nəticələri və ərazi mənimsənilməsinə dair məruzələr dinlənilmişdir.
İnsan Hüquqları üzrə Avropa Məhkəməsi yanında Azərbaycanın səlahiyyətli nümayəndəsi Çingiz Əsgərov bildirmişdir ki, GUAM ərazilərində münaqişələr yaradan separatçı rejimlər əsasən bu ölkələrin iqtisadi cəhətdən inkişaf etmiş ərazilərinə iddia edir və insan hüquqlarını pozurlar.
Ç.Əsgərov vurğulamışdır ki, Azərbaycan vətəndaşlarının işğalçı Ermənistan dövlətinə qarşı qaldırdıqları iddia Avropa İnsan Haqları Məhkəməsinə göndərilmişdir. Azərbaycan bu prosesdə 3-cü tərəf kimi iştirak edir. Şərhlər Avropa Məhkəməsi tərəfindən Ermənistana göndərilmişdir. O demişdir ki, Ermənistana verilən möhlət təmin olunmuşdur və proses payızda davam etdiriləcəkdir.
Bölmənin digər xəbərləri
