Honkonq güclü “Raqasa” qasırğasına hazırlaşır
Bakı, 23 sentyabr, AZƏRTAC
Honkonqun Meteorologiya Mərkəzi güclü “Raqasa” qasırğasının yaxınlaşması ilə əlaqədar 8-ci dərəcəli xəbərdarlıq elan edib. Onun 2018-ci ilin ən dağıdıcı “Manqhut” qasırğasından daha güclü olacağı proqnozlaşdırılır.
AZƏRTAC xəbər verir ki, qasırğa səbəbindən Honkonqun rəsmi qurumları işini dayandırıb, sakinlərə zərurət yaranmadıqda evlərini tərk etməmək tövsiyə olunub. Hakimiyyət orqanlarının axşam saatlarında 10-cu təhlükə səviyyəsi elan edəcəyi gözlənilir. Saniyədə 60 metrə çatan külək dəniz səviyyəsinin 3,5-4 metr qalxmasına və bəzi sahilyanı ərazilərinin su altında qalmasına səbəb ola bilər.
Rəsmilər qasırğaya hazırlıqla bağlı məktəblərin bağlanacağını, ictimai nəqliyyatın fəaliyyətinin məhdudlaşdırılacağını, aeroportlarda 700-ə yaxın reysin ləğv ediləcəyini bildiriblər.
Bölmənin digər xəbərləri
