İndoneziyada baş verən zəlzələ nəticəsində həlak olanlar var
Tokio, 19 aprel, AZƏRTAC
İndoneziyanın Mərkəzi Yava əyalətində baş verən zəlzələ nəticəsində iki nəfər həlak olub, 20-dən çoxu isə xəsarət alıb.
AZƏRTAC xəbər verir ki, bu barədə İndoneziya Təbii Fəlakətlərin Qarşısının Alınması Milli Agentliyi məlumat yayıb.
Məlumatda qeyd edilir ki, 4,4 bal gücündə baş verən zəlzələ nəticəsində yüzlərlə ev, məktəb və məscid dağılıb. İki mindən çox yerli sakin xüsusi mərkəzlərə yerləşdirilib.
Yeraltı təkanların aprelin 18-də yerli vaxtla saat 13:30-da Mərkəzi Yava əyalətinin Bancaraneqar şəhəri ətrafında baş verdiyi bildirilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
