İRAN PARLAMENTİNƏ SEÇKİLƏRİN İKİNCİ TURU BAŞA ÇATMAQ ÜZRƏDİR
AZƏRTAC-ın xüsusi müxbiri xəbər verir ki, aprelin 25-də 8-ci çağırış İran İslam Şurası Məclisinə seçkilərin ikinci turu keçirilir. Səsvermə yerli vaxtla saat 20.00-da başa çatacaqdır.
Bu ölkədə seçkiləri Daxili İşlər Nazirliyi (DİN) həyata keçirir. Nazirliyin mətbuat xidmətindən bildirmişlər ki, parlamentdə boş qalan 80 mandat uğrunda mübarizədə 500 nəfərdən artıq namizəd iştirak edir.
Tehran şəhərində boş qalan 10 mandat uğrunda mübarizə aparanların sayı 58 nəfərdir.
Mayın 25-də yeni formalaşacaq parlamentin ilk iclasının keçiriləcəyi gözlənilir. Birinci iclasda bir aylıq fəaliyyəti olan müvəqqəti sədr seçiləcəkdir. Müvəqqəti sədrlə işə başlayan yeni parlamentdə deputatların mandatları təsdiq ediləcək, 10 nəfərdən ibarət rəyasət heyəti seçiləcəkdir. Onun tərkibindən isə parlamentin yeni sədri seçiləcəkdir.
Bölmənin digər xəbərləri
