“Kalmar oyunu” əsasında realiti-şounun buraxılış tarixi açıqlanıb
Bakı, 18 may, AZƏRTAC
“Netflix” yayım xidməti buraxılması hələ ötən ilin yayından məlum olan “Kalmar oyunu: Sınaq” (Squid Game: The Challenge) realiti-şousunun buraxılış tarixini müəyyən edib. AZƏRTAC “Kanobu” saytına istinadla xəbər verir ki, şou noyabr ayında yayıma çıxacaq. “Tvigle” onlayn kinoteatrı bununla bağlı məlumata diqqət yetirib.
Realiti-şouda 456 iştirakçı 4,56 milyon dollar uğrunda mübarizə aparacaq. Bu, analoji layihələr tarixində ən böyük pul mükafatıdır. Tamaşaçılar 10 seriya ərzində iştirakçıların serialda sınaqlardan keçdiyini və tamamilə yeni, lakin eyni dərəcədə maraqlı tapşırıqların yerinə yetirəcəyini müşahidə edəcəklər. “Netflix” gərginliyin çox yüksək olacağını vəd edib. Qəhrəmanlardan hər biri onun bu avantürada nə dərəcədə uzağa gedə biləcəyi və özünün risk almağa hazır olub-olmaması ilə bağlı sualın yarandığı həddə qədər çatacaq. Böyük Britaniyada aparılan çəkilişlər artıq başa çatdırılıb.
Bölmənin digər xəbərləri
