KÖRPƏ FİDANLARIN İLK SEVİNCİ - ƏLİFBA BAYRAMI
AZƏRTAC xəbər verir ki, Nərimanov rayonunun 45 nömrəli orta məktəbində birincilərin Əlifba bayramı keçirilmişdir.
Məktəbin direktoru Nazilə Məmmədova əsası ulu öndər Heydər Əliyev tərəfindən qoyulan yeni təhsil sisteminin gələcəyimiz olan uşaqların layiqli vətəndaş kimi yetişməsinə xidmət etdiyini bildirmişdir. Natiq Prezident İlham Əliyevin, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyevanın dəstəyi ilə məktəblərin yenidən qurulması, avadanlıqla təmin edilməsi, təhsildə islahatların aparılması və onun inkişafına yönəldilmiş digər yenilikləri razılıqla qeyd etmişdir. O, birincilərə yaxşı oxumağı, Vətənə layiqli övlad kimi yetişməyi tövsiyə etmişdir.
Birincilərin müəllimi Kəmalə Məmmədova körpələrin ilk sevinci - Əlifba bayramı münasibətilə onları təbrik etmiş və şagirdlərinə biliklərin açarı olan Əlifbadan başlayaraq bütün kitabları sevməyi və səylə biliklərə yiyələnməyi, Vətəni sevən, savadlı vətəndaş olmağı arzulamışdır.
Birincilər isə öz növbələrində şeir, mahnı, rəqs və kiçik səhnəciklərlə tədbiri rövnəqləndirmişlər.
Bölmənin digər xəbərləri
