Latviya BMT-nin İqtisadi və Sosial Şurasına üzv seçilib
Riqa, 15 iyun, AZƏRTAC
BMT Baş Assambleyasının Nyu-Yorkda keçirilən plenar iclasında Latviyanın 2020-2022-ci illər üçün İqtisadi və Sosial Şuranın (ECOSOC) üzvü seçilməsi barədə qərar qəbul olunub.
AZƏRTAC xəbər verir ki, iclasda Latviyanın lehinə 179 səs verilib. ECOSOC-un üzvü kimi, Latviya mühüm beynəlxalq məsələlər - davamlı inkişaf, iqtisadi əməkdaşlıq və iqlim dəyişikliyi, meşə sektorunun möhkəmləndirilməsi ilə bağlı qərarların qəbulunda iştirak edəcək.
ECOSOC BMT-nin iqtisadiyyat, sosial məsələlər, mədəniyyət, təhsil, səhiyyə, ətraf mühit və davamlı inkişafın təşviqi ilə bağlı beynəlxalq əməkdaşlıqdan məsul olan əsas strukturlarından biridir.
Aygün Əliyeva
AZƏRTAC-ın xüsusi müxbiri
Riqa
Bölmənin digər xəbərləri
