“LƏNKƏRAN RET”DƏ MARTDA ELEKTRİK ENERJİSİNDƏN QANUNSUZ İSTİFADƏ HALLARI AŞKAR EDİLMİŞDİR
“Azərenerji” ASC-nin mətbuat xidmətindən AZƏRTAC-a bildirmişlər ki, müvafiq icra strukturlarının və yerli hüquq mühafizə orqanlarının iştirakı ilə keçirilən reydlər zamanı mart ayında Lənkəran, Masallı, Astara, Yardımlı və Lerik paylayıcı şəbəkələrini əhatə edən “Lənkəran RET” MMC üzrə sayğacların işinə qanunsuz müdaxilə ilə bağlı 101 fakt qeydə alınmışdır.
Bununla əlaqədar, qanunsuz istehlak olunan elektrik enerjisi haqqının mütləq ödənilməsi üçün müvafiq aktlar tərtib olunmuşdur. Beləliklə, 190 min kilovat-saat elektrik enerjisinin dəyərinin ödənilməsi təmin edilmişdir. Bu məbləğin 86 faizi artıq ödənmişdir.
Bütövlükdə cari ilin birinci rübündə RET-də sayğacların işinə qanunsuz müdaxilə ilə bağlı 370 fakt aşkar edilmiş, bununla əlaqədar 961,3 min kilovat-saatlıq elektrik enerjisi haqqının ödənilməsi üçün müvafiq aktlar tərtib edilmişdir. Bu məbləğin 76 faizi artıq ödənilmişdir.
Qanun pozuntuları ilə əlaqədar tərtib edilən 24 akt baxılmaq üçün məhkəməyə göndərilmişdir.
Bölmənin digər xəbərləri
