LİTVA SAHİBKARLARININ AZƏRBAYCANA MARAĞI ARTIR
AZƏRTAC xəbər verir ki, aprelin 22-də Bakıda keçiriləcək biznes-forumun iştirakçıları üçün Litvanın ən iri şirkətlərinin fəaliyyəti barədə proqramda bu marağın iqtisadiyyatın hansı sahələrini əhatə etdiyi göstərilir.
İxracın və İnvestisiyaların Təşviqi Fondundan (AZPROMO) bildirmişlər ki, dünya bazarında yüksək nüfuzu olan 20-yə qədər sahibkarlıq qurumu Azərbaycanın iş adamlarına dağ-mədən sənayesi, elektroenergetika, neftayırma, tikinti, elektrik avadanlığı, kənd təsərrüfatının bir sıra sahələri, o cümlədən, quşçuluq və quş yemi istehsalı, nəqliyyat və yükdaşıma, səhiyyə sahələrində əməkdaşlıq təklif edəcəkdir.
Litva sahibkarları qrupuna həmyerlimiz Sadıq Nurullayevin də adı daxil edilmişdir. O, bir neçə ildir ki, inşaat işləri, qabaqcıl texnologiyaların tətbiqi, investisiya layihələrinin hazırlanması, hər cür texnoloji avadanlığın təmiri, quraşdırılması və sazlanması ilə məşğul olan “Oranda” Qapalı Səhmdar Cəmiyyətinə uğurla başçılıq edir.
Bölmənin digər xəbərləri
