Londonun müxtəlif ərazilərində üç nəfər bıçaqlanaraq öldürülüb
London, 17 iyun, AZƏRTAC
Londonun müxtəlif ərazilərində üç bıçaqlanma hadisəsi baş verib. Bıçaqlanan hər üç şəxs ölüb.
AZƏRTAC xəbər verir ki, bıçaqlanma hadisəsindən biri Londonun cənubunda yerləşən Tusinq bölgəsində baş verib. Digər bıçaqlanma isə paytaxtın cənub şərqində yerləşən Plumsteddə olub. Üçüncü belə cinayət faktı isə Tover Hamletsdə qeydə alınıb. Hər üç hadisə nəticəsində bıçaqlanan şəxslərin həyatlarını xilas etmək mümkün olmayıb.
Faktlarla bağlı araşdırma aparılır. Şübhəli şəxslərin saxlanıldığı bildirilir.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
