Maliyyə Nazirliyinin istiqrazlarının yerləşdirilməsi üzrə hərrac keçirilib
Bakı, 7 may, AZƏRTAC
Mayın 7-də Bakı Fond Birjasında (BFB) Maliyyə Nazirliyinin 20 milyon manat həcmində, 728 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilib.
BFB-dən AZƏRTAC-a bildirilib ki, hərrac zamanı 11 investor tərəfindən qiymət intervalı 96.6274 AZN (9.90 faiz) və 100.9130 AZN (7.5 faiz) olan 17 sifariş təqdim olunub.
Maliyyə Nazirliyinin qərarına əsasən, istiqrazların kəsmə qiyməti 98.4192 AZN (8.88 faiz), orta ölçülmüş qiyməti 98.5851 AZN (8.78 faiz) müəyyən edilib. Sifarişlərin nominal qiymətlə ümumi məbləği 33,010,200 AZN, yerləşdirilmiş həcmi isə 20 milyon AZN təşkil edib.
İstiqrazlar 2021-ci il mayın 4-də ödəniləcək.
Bölmənin digər xəbərləri
