MDB İCRAİYYƏ KOMİTƏSİ APREL AYINDA MİNSKDƏ BİR SIRA TƏDBİRLƏR KEÇİRƏCƏKDİR
AZƏRTAC MDB İcraiyyə Komitəsinin mətbuat xidmətinə istinadla xəbər verir ki, aprelin 23-də Minskdə Dövlətlərarası “Radionaviqasiya” Şurasının XXX yubiley iclası, “Naviqasiya və geoinformasiya sistemləri və texnologiyaları” mövzusunda II Beynəlxalq konfrans keçiriləcəkdir.
Aprelin 23-24-də MDB İcraiyyə Komitəsində pensiya təminatı sahəsində Birliyin iştirakçısı olan dövlətlərin vətəndaşlarının hüquqlarının təmin edilməsi haqqında 13 mart 1992-ci il tarixli Sazişə dəyişikliklər və əlavələr edilməsi haqqında Protokol layihəsinin tamamlanması üzrə ekspert qrupunun iclası olacaqdır.
Aprelin 24-də yenə Minskdə Birlik iştirakçısı olan dövlətlərin MDB İcraiyyə Komitəsinin nizamnamə və digər orqanları yanında daimi Səlahiyyətli Nümayəndələri Şurasının və MDB İqtisadi Şurası yanında İqtisadi Məsələlər üzrə Komissiyanın birgə iclası keçiriləcəkdir.
Ertəsi gün, aprelin 25-də Minskdə humanitar sferada sahəvi əməkdaşlıq orqanları rəhbərlərinin müşavirəsi olacaqdır.
Bölmənin digər xəbərləri
