“MediaPulse” təcrübə proqramının növbəti görüşü təşkil edilib
Bakı, 8 may, AZƏRTAC
“BDU könüllüləri” təşkilatının Jurnalistika fakültəsi üzrə könüllülərinin təşəbbüsü ilə “MediaPulse” təcrübə proqramının növbəti görüşü keçirilib.
BDU-dan AZƏRTAC-a bildirilib ki, görüşün qonağı tanınmış teleaparıcı Jalə Həsənli olub.
Jurnalistika fakültəsinin dekanı Vüqar Əliyev və sosial məsələlər və tələbələrlə iş dekan müavini Samir Mirzəyev, Beynəlxalq jurnalistika və informasiya siyasəti kafedrasının müdiri Aynur Nəsirova qonağın televiziya sahəsindəki fəaliyyəti və peşəkar təcrübəsinin əhəmiyyəti barədə danışıblar. Qeyd ediblər ki, tələbə təşkilatları tərəfindən keçirilən belə görüşlər nəzəri biliklərin təcrübə ilə güclənməsi baxımından böyük əhəmiyyətə malikdir.
Daha sonra Jalə Həsənli televiziya təcrübəsindən söz açıb. Bildirib ki, efir zamanı və ya pərdə arxasında baş verən gözlənilməz hadisələr aparıcının ümumi aurasına təsir etməməli, əsas diqqət təqdim ediləcək informasiyaya verilməlidir.
Tanınmış teleaparıcı, həmçinin Vətən müharibəsi və postmüharibə dövründəki efir təcrübəsi barəsində danışıb.
Görüş interaktiv müzakirə formatında davam edib.
Bölmənin digər xəbərləri
