BDU-da təkrar ali təhsil almaq istəyənlərin nəzərinə
Bakı, 5 iyun, AZƏRTAC
Bakı Dövlət Universitetində (BDU) 2026/2027-ci tədris ili üzrə əlavə təhsilin təkrar ali təhsil istiqaməti çərçivəsində elektron sənəd qəbuluna başlanılıb.
BDU-dan AZƏRTAC-a bildirilib ki, sənədlər hüquqşünaslıq, psixologiya, dövlət və ictimai münasibətlər, tarix, həmçinin filologiya (Azərbaycan dili və ədəbiyyatı) ixtisasları üzrə qəbul edilir.
Təkrar ali təhsil almaq arzusunda olan namizədlər sənədlərini elektron qaydada portal.edu.az platforması vasitəsilə təqdim edə bilərlər. Sənəd qəbulu avqustun 14-dək davam edəcək.
Müraciət edən şəxslər portal üzərindən müraciətlərinin cari statusunu izləyə, müsahibə və imtahanlarla bağlı məlumat əldə edə, təhsil haqqını onlayn qaydada ödəyə bilərlər.
Əlavə məlumat almaq və ya yaranan suallarla bağlı müraciət etmək üçün (həftənin I-V günləri saat 10:00-dan 17:00-dək) +994505737417 nömrəsi ilə əlaqə saxlanıla bilər.
Bölmənin digər xəbərləri
