ELM VƏ TƏHSİL
Məsud Əlioğlunun ədəbi-tənqidi yaradıcılığından bəhs edən monoqrafiya nəşr olunub
![Məsud Əlioğlunun ədəbi-tənqidi yaradıcılığından bəhs edən monoqrafiya nəşr olunub](/files/2024/2/1200x630/1718024792519569812_1200x630.jpg)
Bakı, 10 iyun, AZƏRTAC
AMEA-nın Nizami Gəncəvi adına Ədəbiyyat İnstitutunun Ədəbi tənqid şöbəsinin böyük elmi işçisi filologiya üzrə fəlsəfə doktoru Nurlanə Məmmədovanın “Tənqidçinin düşüncələri: Məsud Əlioğlu” kitabı çapdan çıxıb.
İnstitutdan AZƏRTAC-a bildirilib ki, monoqrafiyada Məsud Əlioğlunun ədəbi-tənqidi yaradıcılığından bəhs olunur, elmi-nəzəri fikrimizin konkret bir dövrü haqqında dolğun təsəvvür yaradılır. Tədqiqatda ədəbi prosesdə yeni faktlara obyektiv münasibət göstərən tənqidçi şəxsiyyətinin diqqətə çatdırılması, klassik irsin fəlsəfəsinin açılmasında tənqidçinin mövqeyinin qiymətləndirilməsi əsas məqsəd seçilib.
Ədəbiyyat İnstitutunun Elmi şurasının qərarı ilə çap olunmuş kitabın redaktoru filologiya elmləri doktoru Vaqif Yusifli, rəyçiləri filologiya elmləri doktoru Şahbaz Musayev və filologiya üzrə fəlsəfə doktoru Ülviyyə Rəhimovadır.