MİLLİ MUSİQİ ALƏTŞÜNASLIĞINA DƏYƏRLİ TÖHFƏ
Muzeydən AZƏRTAC-ın müxbirinə demişlər ki, mərasimdə mədəniyyət naziri Polad Bülbüloğlu, Bakı Musiqi Akademiyasının prorektoru, professor Gülnaz Abdullazadə, “Yeni nəsil” nəşriyyatının direktoru Rafiq İsmayılov, STATOYL Neft Şirkətinin prezidenti Georq Qundersen, YUNOKOL-XƏZƏR Neft Şirkətinin meneceri Bəxtiyar Axundov və başqaları çıxış edərək, Məcnun Kərimovun Azərbaycan, rus və ingilis dillərində buraxılmış kitab-albomunu milli musiqi alətşünaslığı haqqında dünya ictimaiyyətinə dolğun məlumat verə biləcək dəyərli mənbə kimi qiymətləndirmişlər.
Natiqlər vurğulamışlar ki, Azərbaycan orta əsr musiqi mədəniyyəti olduqca zəngindir. Həmin dövrlərdə istifadə edilən musiqi alətlərinin sayı 60-dan çox olmuşdur. Bu alətlərdən bir qismi müasir dövrümüzə qədər gəlib çıxmış, əksəriyyəti isə unudularaq mədəni həyatımızın səhnəsindən silinmişdir. Müəllifin yüksək poliqrafik keyfiyyətlə və nəfis tərtibatla çap olunmuş bu yeni kitab-albomu milli musiqi alətlərimizin təsnifatının yaradılması və onların elmi nəşrinin tərtib edilməsi istiqamətində uğurlu addımdır.
Sonra Məcnun Kərimov kitab-albomun və onun elektron nəşrinə göstərilən yardıma görə minnətdarlığını bildirmişdir.
Sonda S.Urməvi adına Dövlət qədim musiqi alətləri ansamblı yeni konsert proqramı ilə çıxış etmişdir.
Tədbirdə ABŞ-ın, Çinin ölkəmizdəki səfirləri Rino Harniş, Çjan Siyun və digər rəsmi şəxslər iştirak etmişlər.
Bölmənin digər xəbərləri
