Moldova kənd təsərrüfatında birgə layihələrin reallaşdırılmasında azərbaycanlı investorların iştirakında maraqlıdır
Kişineu, 15 sentyabr, AZƏRTAC
Moldova aqrar-ərzaq sektorunda birgə layihələrin həyata keçirilməsində azərbaycanlı investorların iştirakında maraqlıdır və bu prosesə dəstək verir.
AZƏRTAC xəbər verir ki, bunu Moldovanın kənd təsərrüfatı və qida sənayesi naziri Vladimir Bolea Azərbaycanın bu ölkədəki səfiri Qüdsi Osmanovla görüşündə söyləyib.
Nazir qarşılıqlı maraq doğuran sahələrin müəyyənləşdirilməsi üçün davamlı dialoqun davam etdirilməsinin vacibliyini vurğulayıb.
Səfir öz növbəsində əməkdaşlığı genişləndirməyə və ölkəmizə güzəştli şərtlərlə gübrələrin tədarükü ilə bağlı qərar qəbul edənlər arasında gələcək danışıqlara hazır olduğunu bildirib.
Müzakirələr zamanı kənd təsərrüfatı sahəsində ölkəmizlə davamlı tərəfdaşlığın inkişaf etdirilməsi, Moldova-Azərbaycan hökumətlərarası komissiyanın təşkili imkanları ətrafında fikir mübadiləsi aparılıb.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
