NATO-NUN NÜMAYƏNDƏLƏRİ AZƏRBAYCANDA GÖRÜLƏN İŞLƏRLƏ BAĞLI RƏY HAZIRLAYACAQLAR
AZƏRTAC xəbər verir ki, NATO Beynəlxalq Qərargahının nümayəndələri Qay Gerbay və Lorens Mireman Bakıda səfərdədir.
Xarici İşlər Nazirliyinin mətbuat katibi Xəzər İbrahim bildirmişdir ki, səfərdən məqsəd NATO-nun ölkəmizlə həyata keçirdiyi Fərdi tərəfdaşlığın əməliyyat planının (FTƏP) birinci mərhələsinin qiymətləndirilməsidir.
Səfər aprelin 25-də başa çatacaq və planın birinci mərhələsinin qiymətləndirilməsinə dair yekun rəy veriləcəkdir.
Xatırladaq ki, FTƏP 2004-cü ildə Prezident İlham Əliyev tərəfindən NATO rəhbərliyinə təqdim edilmişdir. Azərbaycan Prezidentinin Sərəncamına əsasən, planda nəzərdə tutulan tədbirlər 2005-ci ilin avqustundan həyata keçirilir.
Plana əsasən hər il Azərbaycan Silahlı Qüvvəllərinin 1000-dən çox hərbçisi alyansın tədbirlərində iştirak edir. Bundan əlavə, NATO-nun xətti ilə hər il Azərbaycanda 10-a qədər tədbir keçirir.
Bölmənin digər xəbərləri
