Naxçıvanda hava nəqliyyatı ilə sərnişin və yük daşımaları artıb
Naxçıvan, 23 oktyabr, AZƏRTAC
Bu ilin yanvar-sentyabr aylarında Naxçıvan Muxtar Respublikasında hava nəqliyyatı ilə 667,1 min sərnişin və 10,9 min ton yük daşınıb.
Naxçıvan Muxtar Respublikası Dövlət Statistika Komitəsinin mətbuat xidmətindən AZƏRTAC-ın bölgə müxbirinə bildirilib ki, ötən ilin müvafiq dövrü ilə müqayisədə sərnişin daşımalarının həcmi 13,1 faiz, yük daşımalarının həcmi isə 5,8 faiz artıb.
Qeyd edək ki, 2026-cı ilin yanvar-sentyabr aylarında Naxçıvan Muxtar Respublikasında nəqliyyat müəssisələri və avtomobil nəqliyyatı sahəsində fəaliyyət göstərən fiziki şəxslər tərəfindən, ümumilikdə, 5 464,7 min ton yük və 36 128,7 min sərnişin daşınıb. 2025-ci ilin müvafiq dövrü ilə müqayisədə yük daşınması 1,0 faiz, sərnişin daşımaları isə 0,8 faiz artıb.
Daşınan yüklərin 99,8 faizi avtomobil, 0,2 faizi hava nəqliyyatının payına düşüb. Sərnişin daşımalarında isə avtomobil nəqliyyatının payı 98,2 faiz, hava nəqliyyatının payı isə 1,8 faiz təşkil edib.
Müxbir - Nail Əsgərov
Bölmənin digər xəbərləri
