Azərbaycan Kubokunda II təsnifat mərhələsinə 2 oyunla yekun vurulacaq
Bakı, 29 oktyabr, AZƏRTAC
Bu gün futbol üzrə Azərbaycan Kubokunda II təsnifat mərhələsinə yekun vurulacaq.
AZƏRTAC xəbər verir ki, günün ilk oyununda I Liqa təmsilçiləri “Xankəndi” və “Gəncəbasar” komandaları üz-üzə gələcəklər. Digər görüşdə isə I Liqada mübarizə aparan “Karvan-Yevlax” II Liqa təmsilçisi “Zəngəzur”la qarşılaşacaq. Hər iki oyun saat 14:00-da başlayacaq.
Azərbaycan Kuboku
II təsnifat mərhələsi
29 oktyabr
14:00. “Xankəndi” – “Gəncəbasar”
Hakimlər: Mahmud Bağırzadə, Sənan Atayev, Safalı Ağayev, Hacıağa Həsənov.
Hakim-inspektor: Munis Abdullayev.
AFFA nümayəndəsi: Məmmədəli Məmmədov.
Stadion: Şamaxı Olimpiya İdman Kompleksinin stadionu.
14:00. “Zəngəzur” – “Karvan-Yevlax”
Hakimlər: Ceyhun Hüseynov, Vüqar Bayramov, Samir Qaracayev, Ləman Əmirli.
Hakim-inspektor: Asim Xudiyev.
AFFA nümayəndəsi: Bəhram Qurbanov.
Stadion: Binə qəsəbə stadionu.
Qeyd edək ki, daha əvvəl “Araz-Naxçıvan”, “Marafon”, “Sumqayıt”, “Qəbələ”, “Zirə”, “İmişli”, “Şamaxı”, “Şahdağ Qusar”, “Şəfa”, “Kəpəz”, 1/8 finala yüksəlib.
Bölmənin digər xəbərləri
