“NETTY 2008” MİLLİ İNTERNET MÜKAFATI MÜSABİQƏSİNİN QEYDİYYAT PROSESİ UZADILMIŞDIR
AZƏRTAC xəbər verir ki, “NETTY 2008” Milli İnternet Mükafatı müsabiqəsində iştirak etmək üçün veb-saytların qeydiyyat prosesi aprelin 28-dək uzadılmışdır. Aprelin 28-dən mayın 7-dək münsiflər heyətinin səsverməsi keçiriləcəkdir. Bu seçimə əsaslanaraq, mayın 8-də NETTY akademiyası səsverməyə başlayacaqdır. Nəticələr 17 may - Dünya İnformasiya Cəmiyyəti günündə elan olunacaqdır.
Rabitə və İnformasiya Texnologiyaları, Mədəniyyət və Turizm, Gənclər və İdman nazirlikləri tərəfindən dəstəklənən müsabiqənin baş sponsoru “AzEuroTel” şirkəti, rəsmi tərəfdaşı isə HP şirkətinin Azərbaycan nümayəndəliyidir.
