N.Nəsirli: Heydər Əliyev ideyaları xalqımızın işıqlı sabahına yol açır
Bakı, 10 may, AZƏRTAC
Bu gün dünya ölkələri arasında özünə layiqli yer tutan Azərbaycan çox sürətlə inkişaf edir. Bu inkişafın əsası ümummilli lider, dahi şəxsiyyət Heydər Əliyev tərəfindən qoyulub.
Bu sözləri ümummilli lider Heydər Əliyevin əziz xatirəsini yad etmək üçün Fəxri xiyabana gələn “Ərzaq məhsullarının tədarükü və təchizatı” ASC-nin nümayəndəsi Nicat Nəsirli AZƏRTAC-a müsahibəsində deyib.
Görkəmli dövlət xadimi Heydər Əliyevin misilsiz tarixi xidmətlərindən danışan N.Nəsirli bildirib ki, Ulu Öndər bütün həyatını, fəaliyyətini doğma xalqın, millətin xoşbəxtliyinə həsr edib. Heydər Əliyev ideyaları zaman-zaman yaşayacaq, xalqımızın işıqlı sabahına yol açacaq.
Ümummilli lider Heydər Əliyevə ümumxalq sevgisinin sonsuz, tükənməz olduğunu vurğulayan N.Nəsirli Ulu Öndərin əziz xatirəsinin könüllərdə daim yaşayacağını bildirib.
Bölmənin digər xəbərləri
