Samir Mahmudov: Sağlam cəmiyyətin təməli möhkəm ailə və hüquqi maarifləndirmədən keçir VİDEO
Bakı, 10 iyun, AZƏRTAC
Uşağın məlumatı qəbul etməyə hazır olmaması hallarında təhsil sisteminin imkanları da müəyyən mənada məhdudlaşır. Buna görə də ilk növbədə uşaqlarda sağlam ruhun və sağlam psixoloji vəziyyətin formalaşdırılması vacibdir ki, sonrakı mərhələdə fundamental biliklərin mənimsənilməsi mümkün olsun.
AZƏRTAC xəbər verir ki, bu fikirləri Hüquqi Ekspertiza və Qanunvericilik Təşəbbüsləri Mərkəzinin icraçı direktoru Samir Mahmudov “Azərbaycanda yeniyetmələrin hüquq düşüncəsi” tədqiqat hesabatının və “Uşaqlar və Hüquq” kitabının təqdimat mərasimində çıxışı zamanı səsləndirib.
Onun sözlərinə görə, ailə institutu ilə bağlı problemlər bu gün yalnız Azərbaycanın deyil, bütün sivil dövlətlərin qarşısında duran mühüm çağırışlardan biridir.
"Dünyanın müxtəlif ölkələrində ailə dəyərlərinin qorunması, uşaqların sağlam mühitdə böyüməsi və vətəndaş məsuliyyətinin artırılması istiqamətində ardıcıl tədbirlər həyata keçirilir. Hər kəs anlayır ki, güclü dövlət yalnız sağlam cəmiyyət üzərində qurula bilər. Sağlam cəmiyyətin formalaşması isə möhkəm ailə institutundan və məsuliyyətli vətəndaşlardan keçir", - deyə Samir Mahmudov əlavə edib.
Bölmənin digər xəbərləri
