Ölkədə idxal-ixrac əməliyyatlarına nəzarət sistemi təkmilləşdirilir
Bakı, 20 aprel, AZƏRTAC
Ölkədə idxal-ixrac əməliyyatlarına nəzarət sistemi təkmilləşdirilir.
AZƏRTAC xəbər verir ki, Prezident İlham Əliyev ölkədə idxal-ixrac əməliyyatlarına nəzarət sisteminin təkmilləşdirilməsi ilə bağlı tədbirlər haqqında Sərəncam imzalayıb.
Azərbaycan Respublikasında bir sıra idxal-ixrac əməliyyatları üzrə Dövlət Gömrük Komitəsi və Vergilər Nazirliyi tərəfindən birgə nəzarət mexanizminin tətbiqi məqsədəuyğun hesab edilib.
Maliyyə Nazirliyi, Vergilər Nazirliyi, İqtisadiyyat Nazirliyi və Dövlət Gömrük Komitəsi idxal-ixrac əməliyyatları üzrə birgə nəzarətlə əhatə olunacaq prosedurların siyahısına və mexanizminə dair təkliflərini bir ay müddətində Azərbaycan Respublikasının Prezidentinə təqdim etməlidir.
Bölmənin digər xəbərləri
