Paytaxtın bu küçələrində xətlənmə işləri aparılacaq
Bakı, 19 aprel, AZƏRTAC
Avtonəqliyyat vasitələrinin təhlükəsiz hərəkətinin tənzimlənməsi məqsədilə paytaxtın Rəşid Behbudov küçəsi ilə 28 May küçəsinin kəsişməsində, həmçinin Dilarə Əliyeva küçəsinin R.Behbudov küçəsi ilə kəsişməsində sarı kəsişmə toru nişanlanmasının təşkili ilə əlaqədar xətlənmə işləri aparılacaq.
Azərbaycan Avtomobil Yolları Dövlət Agentliyinin ictimaiyyətlə əlaqələr şöbəsindən AZƏRTAC-a bildirilib ki, işlər bu gün saat 22:00-dan başlayaraq aprelin 20-si səhər saatlarına qədər davam edəcək.
Sürücülərdən sözügedən yollarda diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.
Bölmənin digər xəbərləri
