Pedaqoji Universitetdə “Kitabxana fondunun mühafizəsi və kitabların saxlanılması” mövzusunda təqdimat
Bakı, 2 may, AZƏRTAC
Mayın 2-də Azərbaycan Dövlət Pedaqoji Universitetində “Kitabxana fondunun mühafizəsi və kitabların saxlanılması” mövzusunda təqdimat keçirilib.
Universitetdən AZƏRTAC-a bildirilib ki, Kitabxana- İnformasiya Mərkəzinin direktoru vəzifəsini icra edən Zinharə Həsənova kitabxana fəaliyyətinin daha səmərəli təşkili məqsədilə müxtəlif maarifləndirmə tədbirlərinə önəm verildiyini, bu istiqamətdə fərqli mövzularda təqdimat və seminarların keçirildiyini diqqətə çatdırıb.
ABŞ Dövlət Departamentinin maliyyələşdirdiyi “Fulbright English Teaching Assistant (Fulbrayt İngilis dili Tədris Köməkçisi)” proqramı çərçivəsində universitetdə fəaliyyət göstərən İan Dooley təqdimatında kitabxana fondunun mühafizəsi, kitabların saxlanılması şəraiti haqqında danışıb.
Qeyd edək ki, İan Dooley ABŞ-ın Prinston Universitetinin kitabxanasında nadir kitablar və xüsusi fondlarla iş şöbəsində 5 il işləyib.
Bölmənin digər xəbərləri
