PLATFORMANIN GENİŞLƏNDİRİLMİŞ HİSSƏSİNDƏ QAZ QUYUSUNUN QAZMASINA BAŞLANILMIŞDIR
Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, Prezident İlham Əliyevin dövlətə qaz təhvilini artıraraq 8 milyard kubmetrə çatdırmaq barədə tapşırığından irəli gələn vəzifələri yerinə yetirmək məqsədi ilə şirkətdə qaz proqramı qəbul edilmişdir.
Proqrama əsasən, 2008-ci ildə ARDNŞ 8 milyard kubmetr qaz hasil etməyi, bunun 7 milyard kubmetrini dövlətə təhvil verməyi planlaşdırır. “Günəşli” yatağındakı yeni qaz quyusunun qazmasına başlanılmışdır. “Günəşli” yatağındakı 11 nömrəli platformaya hündürlüyü 113 metr, çəkisi 1060 ton olan əlavə blok birləşdirilmişdir. Bu, dənizin 102 metr dərinliyində yüksək dəqiqliklə həyata keçirilmiş nadir texniki əməliyyatdır. Layihəyə əsasən yeni blokdan 6 qaz quyusu qazılıb istismara veriləcəkdir. Ümumilikdə, bu il “Günəşli” yatağında 7 yeni qaz quyusunu istismara vermək planlaşdırılır.
Bölmənin digər xəbərləri
