Qazaxın sərhəd kəndi Qaymaqlıda yem emalı məntəqəsi tikilir
Qazax, 15 yanvar, Rauf Hacıyev, AZƏRTAC
Qazax rayonunun sərhəddə yerləşən Qaymaqlı kəndində Şərq-Qərb İdarəetmə İnstitutu ilə Qaymaqlı İcma Qrupu və bələdiyyəsi arasında imzalanmış memoranduma əsasən, “Sosial İqtisadi İnkişaf Fəaliyyəti” layihəsi çərçivəsində yem emalı məntəqəsi tikilir.
Qazax Rayon İcra Hakimiyyətindən AZƏRTAC-ın bölgə müxbirinə bildirilib ki, kənd əhalisinə xidmət edəcək bu məntəqə müasir avadanlıqlarla təmin olunacaq.
Hazırda məntəqədə son tamamlanma işləri aparılır.
Qeyd edilib ki, Şərq-Qərb İdarəetmə İnstitutu (EWMI) “Ümid” Sosial İnkişafa Dəstək İctimai Birliyi və Qeyri-Kommersiya Hüququ üzrə Beynəlxalq Mərkəz ilə strateji tərəfdaşlıq şəraitində ABŞ-ın Beynəlxalq İnkişaf Agentliyi (USAID) və Azərbaycan hökuməti tərəfindən birgə maliyyələşdirilən Azərbaycanda beş illik “Sosial İqtisadi İnkişaf Fəaliyyəti” layihəsini (SEDA) həyata keçirir.
Bölmənin digər xəbərləri
