Qazaxıstanda diplomatlar üçün forum keçiriləcək
Astana, 2 aprel, AZƏRTAC
Bu ay Astanada diplomatlar üçün forum keçiriləcək.
Qazaxıstanın Xarici İşlər, İnvestisiya və İnkişaf nazirliklərinin, “Kazakh Export”, “Atameken” şirkətlərinin, Milli Sahibkarlar Palatasının (MSP), xarici dövlətlərin səfirliklərinin və iş adamlarını birləşdirən diplomatik biznes-klubun birgə təşkilatçılığı ilə keçiriləcək “Qazaxıstanın diplomatiya iqtisadiyyatı: Şərqdən Qərbə” adlı forumun məqsədi bu ölkənin inkişafı istiqamətində aktual məsələlər və praktiki tövsiyələr üzrə fikir mübadiləsi aparmaqdır.
Forum ölkədə akkreditə olunmuş xarici diplomatik korpus nümayəndələri ilə xarici biznes-cəmiyyətlər arasında görüşlər üçün ənənəvi platformadır.
Tədbirdə Qazaxıstan Baş naziri Bakıtjan Saqintayevin iştirakı gözlənilir.
İlahə Əhmədova
AZƏRTAC-ın xüsusi müxbiri
Astana
Bölmənin digər xəbərləri
