Qazaxıstanda növbədənkənar prezident seçkiləri keçiriləcək
Bakı, 9 aprel, AZƏRTAC
Qazaxıstan Prezidenti Kasım-Jomart Tokayev bəyan edib ki, iyunun 9-da bu ölkədə növbədənkənar prezident seçkilərinin keçirilməsi haqqında qərar qəbul edilib.
AZƏRTAC Kazinform agentliyinə istinadla xəbər verir ki, Kasım-Jomart Tokayev bununla bağlı xalqa müraciətində deyib: “Mən Elbası Nursultan Nazarbayevlə məsləhətləşmişəm, həmçinin hökumət və parlament rəhbərləri, Konstitusiya Şurası və partiyaların üzvləri ilə görüşlər keçirmişəm. Növbədənkənar seçkilərin keçirilməsi çox mühüm və zəruri addımdır. Mən 2019-cu il iyunun 9-da prezident seçkilərinin keçirilməsi haqqında qərar qəbul etmişəm”.
Prezident əlavə edib ki, Qazaxıstanın daxili siyasətində sabitlik və davamlılıq təmin olunmalıdır.
Bölmənin digər xəbərləri
