Qəzza bölgəsində keçirilən etiraz aksiyasında daha bir fələstinli həlak olub
Tehran, 15 aprel, AZƏRTAC
Aprelin 14-də fələstinlilərin Qəzza bölgəsində keçirdikləri növbəti aksiyaya İsrail əsgərlərinin müdaxiləsi nəticəsində 27 yaşlı gənc həlak olub.
Fələstin Səhiyyə Nazirliyinin nümayəndəsi Əşrəf Əl Kudra bildirib ki, martın 30-dan bəri davam edən qarşıdurmalarda həlak olan fələstinlilərin sayı 35-ə çatıb.
Xatırladaq ki, on minlərlə insanın iştirak etdiyi izdihamlı yürüşlər İsrailin Qəzza bölgəsini zəbt etməsinə etiraz əlaməti olaraq keçirilir.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
