QİƏT-Aİ ƏMƏKDAŞLIQ HAQQINDA YENİ BƏYANNAMƏ QƏBUL EDİLMİŞLƏR
QİƏT yanacaq və energetika nazirləri Avropa İttifaqı ilə əməkdaşlıq haqqında birgə Bəyannamə qəbul etmişlər.
AZƏRTAC-ın xüsusi müxbiri xəbər verir ki, bu sənəd QİƏT ölkələri yanacaq və energetika nazirlərinin aprelin 9-da Kiyevdə keçirilən görüşündə qəbul edilmişdir. Görüşə sədrlik edən Ukraynanın yanacaq və energetika nazirinin müavini Sergey Pavluşinin sözlərinə görə, sənəddə QİƏT ölkələrinin birgə enerji strategiyasının yaradılması imkanlarının öyrənilməsi və milli enerji strategiyalarının hazırlanmasının başa çatdırılması nəzərdə tutulmuşdur. Bəyannaməyə görə, QİƏT orqanlarının fəaliyyətinin Beynəlxalq Energetika Agentliyi, Avropa Komissiyası və digər beynəlxalq təşkilatlarla əlaqələndirilməsi gücləndirilməlidir.
Bölmənin digər xəbərləri
