REGİONAL İNNOVASİYA ZONASININ YARADILMASI REALLAŞIR
AZƏRTAC xəbər verir ki, Regional İnnovasiya Zonasının (RİZ) yaradılması ilə bağlı təkliflərə hökumət yaxın vatxlarda münasibət bildirəcəkdir. Bu barədə rabitə və informasiya texnologiyaları naziri Əli Abbasov məlumat vermişdir.
RİZ-in yaradılması ilə bağlı məsləhətçi şirkət “Buz Alen Hamilton”un hazırladığı təkliflər paketində yerli və xarici şirkətlər tərəfindən informasiya texnologiyaları avadanlığı istehsalının təşkili, proqram təminatı və xidmətlərin çeşidinin artırılması məsələləri əks olunmuşdur.
RİZ layihəsinin reallaşdırılması yüksək texnologiyalar nəticəsində iqtisadi artımın təmin edilməsi baxımından Azərbaycan, eləcə də qlobal sərmayədarlar üçün mühüm əhəmiyyət kəsb edəcəkdir.
Bölmənin digər xəbərləri
