REGİONLARDA OXŞAR TİPLİ ATS-LƏR YENİDƏN QURULMUŞDUR
AZƏRTAC xəbər verir ki, bu ilin birinci rübündə Ağdam, Balakən, Zərdab rayonlarının 3 kənd yaşayış məntəqəsində 1024 nömrə tutumlu yeni elektron ATS-lər tikilmişdir.
Lənkəran, Goranboy, Göyçay, İsmayıllı, Xaçmaz, Tovuz, Quba və Qusar rayonlarının 10 kənd yaşayış məntəqəsində istismar olunan ATS-lərin, Göyçay rayon mərkəzi ATS-nin tutumları ümumilikdə 1264 nömrə genişləndirilmişdir. Ağstafa, Neftçala, Xanlar, Daşkəsən və Biləsuvar rayonlarının 5 kənd yaşayış məntəqəsində istismar olunan oxşar tipli ATS-lər yenidən qurularaq elektron tipli ATS-lərlə əvəz olunmuş və tutumları 492 nömrə artırılmışdır.
Bölmənin digər xəbərləri
