ROBERT ZELLİK: ƏRZAQ MƏHSULLARI QİYMƏTLƏRİNİN ARTMASI BİR NEÇƏ İL DAVAM EDƏ BİLƏR
Ərzaq məhsulları qiymətlərinin artması müvəqqəti xarakter daşımır və bir neçə il davam edə bilər. AZƏRTAC xəbər verir ki, bunu Dünya Bankının prezidenti Robert Zellik başçılıq etdiyi qurumun və Beynəlxalq Valyuta Fondunun rəhbər orqanlarının yaz sessiyası ərəfəsində jurnalistlərlə görüşündə bildirmişdir.
O demişdir: “Bunu yalnız cari ilə xas fenomen adlandırmaq olmaz”. Onun fikrincə, belə vəziyyət bir neçə il davam edə, qiymətlərin artması isə bir çox ölkələrdə yoxsulluğun səviyyəsinin yüksəlməsinə gətirib çıxara bilər.
R.Zellik vurğulamışdır ki, DB qarşıdan gələn sessiyada digər qurumlarla birlikdə bir çox ekspertlərin böhranlı adlandırdıqları vəziyyətdən çıxış yolu tapmağa çalışacaqdır. Söhbət fermerlərin daha səmərəli işləmələri üçün onların dəstəklənməsindən gedir.
Bölmənin digər xəbərləri
