Roma Papası: Dünya müharibələri adi hal kimi qəbul etməməlidir
Bakı, 19 iyun, AZƏRTAC
Roma Papası XIV Leo bildirib ki, dünyanın müharibələri adi hal kimi qəbul etməsi yolverilməzdir. Pontifik deyib: “Katolik kilsəsinin ürəyi müharibə olan yerlərdən, xüsusən də Ukrayna, İran, İsrail və Qəzzadan gələn fəryadlarla parçalanır”.
AZƏRTAC xarici mediaya istinadla xəbər verir ki, Papa XIV Leo ənənəvi həftəlik müraciətində dünyanın müharibəyə öyrəşməməsinin lazım olduğunu deyib. O əlavə edib ki, müharibə həmişə məğlubiyyət deməkdir.
Pontifik vurğulayıb: “Bəşəriyyət silahların cazibəsini bir sınaq kimi rədd etməlidir”. Texnoloji təkmilləşdirmələr sayəsində silah sisteminin genişlənən məhvetmə qabiliyyətinə diqqət çəkən Roma Papası qeyd edib: “Müasir müharibələrdə istifadə edilən güclü silahlar bizi keçmişdə olduğundan daha böyük vəhşiliyə sürükləməklə təhdid edir”.
Bölmənin digər xəbərləri
